Vissir þú að Davíð Oddsson neyddist til að skipta sjálfur um á rúminu sínu þegar hann var í einangrun á Landspítalanum? Algjört hneyksli, rígfullorðinn maður sem hefur aldrei þurft að skipta um á rúmi. Í hvaða heimi býr hann eiginlega? Ég vildi að það væri einhver sem skipti alltaf um á rúminu hjá mér.

Ég var að fá áfall, ekki vægt heldur stórt. Á heimasíðu skólafélagsins er þáttur sem kallast Lambakjöt. Hægt er að smella á nöfn þriggja stúlkna í 3. bekk skólans og þá birtast af þeim myndir og upplýsingar um þær. Hvað er verið að gera með þessu? Af hverju eru þar engir strákar úr 3. bekk? Á vinstri hlið síðunnar er svo Nautakjöt, það eru strákar úr 6. bekk. Er ekki í lagi með fólk?

Er einhver að lesa þetta blogg? Líklega ekki enda hefur það verið dautt í meira en ár. Ég ætla samt að skrifa.

Ég er búin að vera að pæla dálítið í framboði og eftirspurn. Allir geta verið sammála um að þetta eru tengd fyrirbæri. Er rétt að svara allri eftirspurn? Gott dæmi um þetta er barnaklám. Eftir því er eftirspurn samt eru allir sammála um að henni beri ekki að svara, það sé ólöglegt að svara henni með því að framleiða barnaklám. Ef litið er á nýlega umræðu um árshátíðarlag MR má skoða það frá þessu sjónarhorni. Inspector scholae Jón Bjarni réttlæti birtingu lagsins meðal annars með því að menning okkar væri full af svona kvenfyrirlitningu, það væri eftirspurn eftir svona efni. Þetta væri grín sem ekki ætti að taka alvarlega. Með þessu geri hann lítið úr því valdatæki sem grín og húmor er. Með því að gera grín að jafnréttisbaráttunni og femínistum er verið að smætta vandamálið og gera lítið úr því. Fyndni er ein leið til að halda konum niðri. Vinsældir kvenhaturshúmors eru miklar um þessar mundir. Freysi á X-inu er gott dæmi um þetta og ummæli Davíðs Oddssonar um að hann hafi alltaf verið karlremba í Gísla Marteini. Er þetta í lagi? Er fyndið að tala um hórur og mellur? Eru konur bara skemmtiefni fyrir karla?
Af hverju mótmæltu stelpur í MR ekki árshátíðarlaginu? Eftir því sem ég kemst næst er engin stelpa í stjórn skólafélags MR þetta árið (af hverju hefur enginn talað um það, þetta er hneyksli!) og aðeins ein í stjórn Framtíðarinnar. Af þessu má sjá að stúlkur innan MR hafa ekki beinlínis marga fulltrúa í æðstu stjórnum félagslífsins. Þær hafa enga rödd, skammtímahagsmunir þeirra eru fólgnir í að samþykkja ríkjandi karlaveldi, annars verða þær sjálfar skotspónninn.
Þegar ég var í MR voru dæmi um karlrembu og kvenhatur ófá í málgögnum beggja skólafélaganna og eitt árið var lag á árshátíðardisknum sem hét Anna Lind (hleyptu mér inn í analinn) eða eitthvað á þann veg. Á þeim tíma gerði ég sjálf engar athugasemdi við það og mér er ekki kunnugt um að nokkur önnur stelpa, foreldri eða stjórnendur skólans hafi gert það heldur. Af hverju sættum við okkur við þessa klámvæðingu?

Ég er að læra á Bókhlöðunni. Það eru flest borð upptekin. Spurning hvort stjórnendur Hlöðunnar hafi heyrt um svokölluð millistykki. Ég er jú einmitt svo heppin að sitja á borði sem er um það bil 30 m frá næstu innstungu sem betur fer er batteríið á tölvunni minni enn í ágætu lagi svo ég ætti að geta gert eitthvað. Samt algjör skandall, það eru jú oftast borð með engum tengjum sem eru laus.

Er ég ein um að vera ekki að fatta hver af Victorunum í Úkraínu er vondi kallinn. Þeir heita báðir e-ð Joð voðalangt og ég er ekki að ná hver er hvað. Reyndar veit ég núna að sá sem var einu sinni sætur en er nú allur bólginn og út í bólum er góði kallinn en ég man samt ekki hvað hann heitir.

Í dag er ég að fara að skila lengstu ritgerð sem ég hef skrifað hingað til. Hún er um 9000 orð. Reyndar erum við þrjár sem skrifuðum hana en samt alveg góður slatti. Hún er um vændi.

Innlent mbl.is 29.11.2004 22:01
Gjöld á sterku víni og tóbaki hækkuð um 7%
Alþingi samþykkti í kvöld lagafrumvarp um að áfengisgjald á sterku víni hækki um 7% og tóbaksgjald hækki einnig um 7%. Áfengisgjald af léttu víni og bjór hækkar ekki. Reikna má með að smásöluverð á sterku víni hækki um u.þ.b. 5,6% og verð á tóbaki um 3,7% að jafnaði. Tekjuauki ríkissjóðs vegna þessara hækkana nemur allt að 340 milljónum króna á ársgrundvelli og áætluð áhrif á vísitölu neysluverðs eru talin verða um 0,08%.
Fjármálaráðherra lagði frumvarpið fram á Alþingi í kvöld og það fór hraðferð í gegnum þingið og var samþykkt laust fyrir klukkan 22.
Fram kemur í greinargerð með frumvarpinu, að áfengisgjald og tóbaksgjald hafi ekki hækkað síðan í lok nóvember 2002 og ljóst sé að þróun þeirra gjalda hafi ekki verið í samræmi við almennt verðlag og í raun hafi þau lækkað að raungildi. Tillaga um hækkun nú sé í samræmi við þróun almenns verðlags á síðustu árum en almenn vísitala neysluverðs hafi hækkað um u.þ.b. 7% frá því að þessi gjöld hækkuðu síðast. Í frumvarpinu er þó lagt til að áfengisgjald léttra vína og bjórs verði óbreytt, en það hefur ekki breyst síðan 1998.
Þingmenn stjórnarflokkanna og Vinstrihreyfingarinnar-græns framboðs studdu frumvarpið á Alþingi í kvöld en þingmenn Samfylkingar og Frjálslynda flokksins sátu hjá.

Ég er svo ánægð með ríkisstjórnina, enn ein skattalækkunin!
Þetta gæti haft þau áhrif að ég geti ekki bakað mína víðfrægu og sérlega ljúffengu jólaköku þar sem sherrýlegnar rúsínur eru ómissandi hluti hennar. Ég sem fátæk námskona hef varla efni á því núna!
Að auki hefur þetta hækkað höfuðstól námslánanna minna og íbúðarlánanna þar sem þau eru öll verðtryggð. Helvítis svínarí!

Ég var búin að blogga rosa flott en það urðu tæknilegir örðugleikar. Ég mun reyna að endurskapa meistaraverkið.

“Ordinary people can do extraordinary things if they are organized.” New Party News, 1997.

“Society not only controls our movments, but shapes our identity, our thoughts and our emotions. The structures of society become the structures of our own consciousness. Society does not stop at the surface of our skins. Society penetrates us as much as it envelopes us.” Berger, 1963.

Ég hata Bandaríkin. Ég var að klára 19. og seinasta kaflann í Social Problems, námsbókinni minni í Fjölbreytileika og félagsleg mismunun. Mæli með henni fyrir þá sem hafa hug á að fræðast um Bandaríkin. Þetta er ekki fögur mynd sem dregin er upp og það versta er að ég held að allt sem stendur í henni sé satt og heldur sé dregið úr en hitt. Í Bandaríkjunum eru skólar þar sem ekki eru til nóg borð fyrir alla nemendurna og klósettin virka ekki. Hvernig væri að Rauði kross Íslands stæði fyrir söfnun fyrir börn sem búa við örbigð í ríkasta landi heims?

Ég var að passa Ásgeir litla bróðir í dag. Hann var voða góður eins og venjulega. Við fórum á Tjörnina með alveg gommu af brauði. Ég held það hafi aldrei jafn margir einstaklingar verið jafn yfir sig ánægðir að sjá mig. Það ætlaði allt að verða vitlaust. Gæsir, endur, svanir og dúfur hópuðust að okkur svo mér var nóg um. Einn svanurinn borðaði brauð úr hendinni á mér og ein gæs beit mig smá í puttan. Þetta var æðislega gaman. Mæli með Tjörninni til að losa um streitu tengda prófum og jólahátíðinni.




Ég hata pylsuráðherran Guðna Ágústsson.

“Ordinary people can do extraordinary things if they are organized.” New Party News, 1997.

“Society not only controls our movments, but shapes our identity, our thoughts and our emotions. The structures of society become the structures of our own consciousness. Society does not stop at the surface of our skins. Society penetrates us as much as it envelopes us.” Berger, 1963.

Ég er að lesa 19. og seinasta kaflann í Social Problems. Ég hata Bandaríkin, þar eru menn vondir við börn. Í sumum skólum eru ekki nóg borð fyrir alla og klósettin biluð. Hvernig væri að fara að gera eitthvað í þessu? Þjóðarsöfnun Rauða krossins fyrir börn sem búa við örbigð í ríkasta landi í heimi?
Kannski ég reyni að gera eitthvað fallegt um jólin fyrir einhvern sem á bágt. Veit bara ekki alveg hvernig.

Annars var ég að passa Ásgeir litla bróðir í dag. Hann var voða góður að venju. Við fórum á Tjörnina með alveg gommu af brauði. Það varð allt brjálað. Gæsir, endur, svanir og dúfur börðust um bitana og einn svanur borðaði úr höndinni á mér. Ein gæsin beit mig í puttan. Samt bara laust svo það var alveg í lagi. Ásgeir var alveg steinhissa á öllum látunum og sagði ekki eitt einasta orð en fannst samt gaman sýndist mér.
Ég fór í 12 tóna og keypti Messías eftir Handel. Þetta er útgáfa frá 1947, diskurinn kostaði heilar 1200 kr sem ég myndi telja eðlilegt verð fyrir geisladisk. Ég myndi sko kaupa miklu fleiri diska ef þeir væru svona ódýrir.

Ég þoli ekki pylsuráðherran Guðna Ágústsson.

Nú er birt nú skoðanakönnun á hverjum degi nánast. Fygli flokkana sveiflast mikið. Í raun er ómögulegt að spá um útkomu kosninganna. Þó virðist sem Sjálfstæðisflokkur muni tapa nokkrum þingsætum en Samfylkinginn fær fleiri en í kosningunum 1999. Um fylgi smáflokkanna er erfiðara að spá, um þessar mundir vinna Frjálslyndir á en um daginn voru það Vinstri-grænir. Líklega mun fylgi þessarra tveggja flokka og Framsóknar ráða úrslitum um möguleika á myndun nýrrar ríkisstjórnar. Bæði Framsókn og VG hafa lýst því yfir að þeir vilji ekki vera í ríkisstjórn nema þeir fái meira en 10% fylgi. Það þykir mér skrítin pólitík. Það þýðir ekki að fara í fýlu þó maður vinni ekki.
Hvað sem öllu líður er ljóst að spennan mun fara vaxandi næsta mánuðinn...

Jæja BBC World Service loksins komin aftur í loftið á FM 90.9. Það er svo fínt að hlusta á það í bílnum á leiðinni í skólann.
Eitthvað virðist ganga betur hjá Bandamönnum núna, bombað á Baghdad á fullu og Tyrkland búið að opna fyrir herflutninga. Mikið fannst mér kómískt þegar þeir þurftu að hætt framrásinni af því að hersveitirnar voru orðnar matar- og bensínlitlar. Svo eiga hershöfðingjar úr þessum sama her að fara að stjórna heilu landi með 20 milljón íbúum eftir stríðið en þeir geta ekki einu sinni skipulagt sig það vel að hermennirni hafi nóg mat. Afar sannfærandi.

Jæja þá er enn ein helgin farin í súginn. Ekki það að það hafi verið leiðinlegt en að venju lærði ég ekki neitt.
Þetta var um margt merkileg helgi, fjölskylduhátíð bláu handarinnar fór fram í höll nokkurri í Laugardalnum. Þar voru kveðnar vísur og andrúmsloftið var gott og hugur í öllum athafnastjórnmálamönnum landsins eins og börnin sögðu í sífellu bæði í útvarpi og sjónvarpi. Faðir okkar allra Davíð Oddsson lofaði skattalækkunum. Svo virðist sem allir séu búnir að gleyma því að ekki eru nema örfáir mánuðir síðan ríkisstjórnin hækkaði síðast skatta. Þá var skattur á sterku áfengi hækkaður töluvert til að standa undir umbótum fyrir aldraða. Eftir því man enginn núna.
Davíð viðurkenndi einnig að algjörlega hefði misheppnast að flytja ríkisstofnanir út á land. Svo virðist sem menn hafi bara alls ekki áttað sig á að starfsfólkið þurfti líka að flytja og það getur verið flókið mál fyrir fólk með fjölskyldur.
ESB var einnig mært í hástert en samt er Davíð sannfærður um að hagsmunum okkar sé best borgið utan þess. Ég skil ekki alveg hvernig það virkar.

Kærustupör
Almennt hef ég ekkert á móti kærustupörum (amk ekki mjög mikið, bara smá). Sumar af mínum bestu vinkonum eru hluti slíks sambands. Við ákveðin tækifæri eru kærustpör þó alveg sérstaklega óþolandi. Það er til dæmis afar óviðeigandi fyrir fólk að vera að kyssast þar sem aðrir eru að reyna að læra. Eða haldast í hendur og segja hvort öðru sætar litlar sögur af lífinu áður en sambandið hófst. Slíkt skal fara fram á heimili annars hvors aðilans, á veitingahúsum, kaffihúsum eða öðrum ástarhreiðrum. Landsbókasafn Íslands, Háskólabókasafn er ekki ástarhreiður. Það væri jafnvel athugandi að hafa skilti við innganginn, kærustupör bönnuð, eða vinsamleg tilmæli um að pör væru aldrei á sömu hæð. Já þetta er þjóðfélagsböl.

Ég vil benda öllum þenkjandi einstaklingum á að lesa þessa grein og öðlast nýja sýn á heimsmálin og stríð í Írak.
Greinin er nokkuð löng en afar fræðandi og í raun merkilegt að ekki skuli vera fjallað meira um baráttuna milli evru og dollars og áhrifa tilkomu evrunnar og stækkunnar ESB á stöðu heimsmála.

Ert ÞÚ búin/nn að gera góðverk í dag?

Ég fór og gaf blóð áðan og fékk í staðinn djús, brauð með kæfu og kleinu.
Ég er góð manneskja.

Ég fór á merkilegan fund í dag. Hann var um málefni Háskóla Íslands, Páll Skúlason stjórnaði umræðum og Tómas Ingi, Jónína Bjartmars, Kolobrún í VG, Margrét í Frjálslyndaflokknum og Ingibjörg Sólrún voru frummælendur. Þær þrjár síðastnefndu stóðu sig afar vel, höfðu greinilega kynnt sér málin og höfðu ýmsar hugmyndir um þróun háskólanáms og áherslur í menntamálum á Íslandi. Lítið fór fyrir Jónínu nema þegar hún sagði að HÍ væri eini háskólinn á Íslandi sem væri samkeppnishæfur á alþjóðamarkaði, dálítið verið að gefa skít í það sem verið er að gera í HR, Bifröst, HA, KÍ og Hvanneyri. Tómas Ingi fór hinsvegar á kostum í að lýsa almennu skeytingarleysi um málefni háskólans og framtíð menntunar í landinu almennt. Honum finnst Íslendingar standa sig frábærlega í menntamálum þó að aðeins 16% landsmanna á bilinu 25-65 ára hafi lokið háskólaprófi. Til samanburðar má nefna að þessi tala er rúmlega 20% í USA og 39% í Finnlandi. Þetta finnst Sjálfstæðismönnum frábært.
Deildarformaður raunvísindadeildar Helgi, afhenti stjórnmálamönnunum áskorun um aukna fjárveitingu og sagði að ef ekkert yrði að gert yrði ekkert kennt í raunvísindadeild. Einnig gagnrýni hann harðlega að framlög til HÍ héldust ekki í hendur við launahækkanir starfsfólks samkvæmt kjarasamningum.
Anna deildarformaður heimspekideildar reifaði áhyggjur um að engir fjármunir væru til til að ráða nýja prófessora í stað þeirra sem létu af störfum vegna aldurs. Sú staða er i mörgum deildum að nýliðun er engin og jafnvel enginn starfandi prófessor þar sem þrír voru áður. Einnig sagði hún að ef ekki fengist 2,5 milljón króna fljótlega yrði ekki hægt að taka inn nýja nema í fornleifafræði næsta haust.
Svona er nú þetta frábæra ástand.

Það voru ekki margir mættir á fundinn og skömm að því hve fáir nemendur sjáu sér fært að mæta. Öflugur háskóli er jú hagsmunamál allrar þjóðarinnar en þó nemenda í skólanum sérstaklega. Einnig er ámælisvert að aðeins 4 fulltrúar úr Stúdentaráði og af Háskólafundi voru mættir. Áhugi þessara kjörnu fulltrúa er greinilega ekki meiri en svo að þeir geta ekki gefið sér tíma til að fylgjast með umræðum um málefni skólans rétt fyrir Alþingiskosningar. Það finnst mér skammarlegt.

Annars er ég að rembast við að velja mér einhver námskeið fyrir næsta vetur og það ætlar að reynast þrautin þyngri, alltof mörg áhugasvið, allt of mörg námskeið, of lítill tími og fáar einingar.

Svo er líka komið stríð jibbí húrra.
Blair hækkaði aldur þeirra hermanna sem mega fara í stríð úr 18 í 19 ár. Ef ég væri hermaður gæti ég verið að fara í stríð, það er ekki fýsileg tilhugsun.

Ég horfði á hina stórmerkilegu kvikmynd Triple X eða XXX með hinum ágæta Vin Diesel í aðalhlutverki ásmt fjölskyldu minni á þriðjudagskvöldið. Þetta var ágætis afþreying. Í myndinni voru margar gullvægar setningar en sú albesta var á þessa leið. "Stop thinking Prague police and start thinking PlayStation!" Ég hef ákveðið að gera þetta að mínu lífsmottói.

Þá er maður barasta búin að fara í eitt stykki próf. Það gekk bara þokkalega að mér fannst enda frekar í léttari kanntinum.
Ekkert er enn farið að skýrast hvort Björk verði á Hróarskeldu og er það slæmt. Ég vil endilega sjá hana spila í útlöndum því ég ímynda mér að það sé töluvert ólík stemming og er á tónleikum hennar hér heima.
Ég þoli ekki fólk sem kyssist á Bókhlöðunni, það er fátt jafn þreytandi og að heyra slurp-hljóð í áköfum kærustupörum þegar maður er að reyna að einbeita sér að lærdómnum.

Krónan barasta hækkar og hækkar. Maður spyr sig hvort þetta taki aldrei enda. Einnig spyr ég mig hvort ekki sé nú kjörið tækifæri fyrir plötubúðir til að lækka verð á geisladiskum, DVD-myndum og töluvleikjum svo um munar þar sem gengið er svo hagstætt fyrir innflytjendur um þessar mundir. Einngi má velta fyrir sér hvort ekki sé komin tími á því að lækka verð á bíómiðum. Já þessum áleitnu spurningum þarf einhver að svara.

Ég fór að sjá Nóa Albínóa á laugardagskvöldið ásamt minni ágætu vinkonu Vöku. Myndin var góð. Ég mæli eindregið með henni en vil eiginlega ekki segja neitt meira til þess að skemma ekkert fyrir neinum ólíkt leiðnlega gagnrýnandanum á Rás 2 sem segir alltaf allt sem gerist í myndunum sem hann er að dæma.
Annars gerði ég fátt merkilegt um helgina. Fékk falskan hér hjá ömmu nöfnu og söng og bakaði fyrir verðlaunaafhendingu í einhverri stærðfræðikeppni á sunnudaginn. Það var ágætt.

Á laugardaginn ætlaði ég reyndar að far út að hjóla. Komst þá að því að gjörðin á afturdekkinu er ónýt. Þá ætlaði ég í sund en þá var búið að loka sundlauginni svo ég endaði á að fara bara í sturtu. Svolítill bömmer þar sem veðrið var með afbriðgum gott.

Vegna fjölda áskoranna hef ég ákveðið að fá mér þetta MSN sem allir eru að tala um. Mér skilst það sé mikill tímaþjófur og það er ekki ákkúrat það sem mig vantar en ég læt undan þrýstingnum vegna þess að ég er svo æðislega mikil hópsál.

Ég hef komist að þeirri niðurstöðu að Ísland sé heimspekiland. Afhverju segirðu það kynni einhver að spyrja. Ástæðurnar eru nokkrar og hver annarri yndislegri. Í fyrsta lagi þá er oft leiðinlegt veður hér, ekki beinlínis vont en svona þreytandi, þessvegna er maður alltaf æðislega glaður þegar sést til sólar og er sæmileg hlýtt eins og í dag. Það kennir okkur að meta það sem gott er og þakklæti bara almennt. Ísland er lítið og þessvegna eru Íslendingar sífellt að berjast við mótsagnakennda minnimáttar-stórmennsku tilfinningu. Ég man ekki meir.

Ég fór út að borða nestið mitt á peysunni áðan. Það var alveg nógu hlýtt ef ég hélt mig í sæmilegu skjóli. Allir horfðu á mig eins og ég væri svaka skrýtin og það er líklega rétt.

Hinn illi bróðir Robin Williams reyndist ekki vera mjög illur eftir allt saman. Það átti að vera próf í dag og að venju var ég frekar slælega undir það búin. Það kom svo á daginn að Chuck hafði lent í stæorkostlegum tæknilegum örðugleikum og neyddist til að fresta prófinu um viku og gefa okkur frí næsta fimmdudag. Ég þori varla að segja hvað mér létti ósegjanlega mikið.
Einnig hefur nú komið á daginn að ég mun aðeins fara í eitt vorpróf sem er nógu merkilegt til að það sé í próftöflu. Það verður í Heimspekilegum forspjallsvísindum betur þekkt undir nafninu FÝLAN. Þeir tímar hafa þó reynst vera ágætlega skemmtilegir enda snýst námskeiðið um að fá mann til að hugsa um forsemdur vísinda og þessháttar og það er hverjum manni hollt. Ég hef því ákveðið að allir þeir sem voru búnir að segja mér að það væri ömurlegt og leiðinlegt námskeið séu ekki þenkjandi einstaklingar.

Það má segja að ég hafi fengið óvæntan glaðning í gær. Það var blaðið Myndbönd mánaðarins. Þar gefur að líta kynningar á misgóðum ræmum sem og ómerkilegar upplýsingar um frægt fólk. Þar var mynd af nokkrum heimsfrægum konum sem allar eru undir 158 cm á hæð. Þar má helst nefna Dolly Parton, Christinu Aguilera, átrúnaðargoðið mitt Shakiru, hinar stórgóðu leikkonur Christinu Ricci og Reese Whiterspoon, Lil Kim og einhverjar fleiri sem ég man ekki eftir í svipinn, það er ekki leiðum að líkjast. Ég sé í anda hávaxið fólk gera grín af svona frægum og ríkum konum!

Ég er mjög ánægð með veðrið um þessar mundir, það er svo gott. Það er hressandi að fá svona mikla sól og skammdegið í ár hefur varla staðið undir nafni. Það væri athyglisvert að kanna hvort svona milt tíðarfar hafi ekki jákvæð áhirf á geðheilsu fólksins í landinu.

Ég ætla ekki að fjalla neitt um Davíð Oddsson, Hrein Loftsson, Jón Ásgeir, Baug og meintar mútur. Eitt verð ég þó að segja og það er að mér finnst barnalegt að vera að fara með eitthvað svona í fjölmiðla sem ómögulegt er að sanna eða afsanna. Hvort einhver hafi sagt þetta eða hitt eða heyrt þennan og hinn nefndan. Þetta er eins og sandkassaslagur og hana nú.