Ég er rosalega á móti þessarri færð. Mér finnst að einhver ætti að taka sig saman og taka burt allan klakan. Ég vil ekki detta og meiða mig og verða blaut.
Ég var mjög mikilvæg í dag, fór á skorarfund og á fund með formönnum nokkurra nemendafélaga í heimspekideild. Á fyrri fundinum var ég eina konan nánast allan tímann þangað til Anna Agnarsdóttir kom. Á seinni fundinum voru bara stelpur.
Á þessum tveimur fundum komst ég að því að það er mest megnið allt í fokki í Háskólanum. Samt voða yndislegt.

Ég er rosalega á móti þessarri færð. Mér finnst að einhver ætti að taka sig saman og taka burt allan klakan. Ég vil ekki detta og meiða mig og verða blaut.
Ég var mjög mikilvæg í dag, fór á skorarfund og á fund með formönnum nokkurra nemendafélaga í heimspekideild. Á fyrri fundinum var ég eina konan nánast allan tímann þangað til Anna Agnarsdóttir kom. Á seinni fundinum voru bara stelpur.
Á þessum tveimur fundum komst ég að því að það er mest megnið allt í fokki í Háskólanum. Samt voða yndislegt.

Nú velta ef til vill margir fyrir sér hvernig hafi verið í Boston. Það var æðislegt. Fyrir utan að veðrið var svipað óspennandi og hérna á klakanum þá var allt annað frábært. Allt var alveg svaðalega ódýrt og fór megin hluti ferðarinnar í að versla. Ég keypti mér þrennar Levi's buxur, peysu, tvo boli, tvo jakka, stígvél og fleira. Allt á hlægilegu verði.
Við fórum líka til Cambridge og skoðuðum nokkur söfn þar sem var mjög gaman.
Á föstudaginn fórum við á körfuboltaleik í Fleetcenter þar sem Boston Celtics kepptu við Altanta Hawks. Leikurinn fór 106-94 fyrir okkar mönnum og var sigurinn aldrei í hættu.
Um helgina vorum við hjá Áslaugu systur pabba, eldðuðum humar, fórum á flott listasafn, á bar, skoðuðum vita og örugglega eitthvað fleira.
Við fórum líka á sædýrasafnið í Boston sem er rosalega flott, ég mundi þegar ég kom inn að ég hafði komið þangað áður en það kom ekki að sök.
Annars eru allir í Boston rosalega hjálplegir og kurteisir. Stundum var ég hálf hissa því maður er varla vanur svoleiðis hér á landi.
"Hótelið" sem við gistum á var nokkuð kostulegt en samt gott. Það var svona allt í snjáðari kanntinum en hreint og ágætlega staðsett. Það er illmögulegt að fá ódýrari gistingu í Boston ef maður vill vera í sér herbergi. Ég set hér veffangið fyrir áhugasama.
http://www.farringtoninn.com/
Niðustaðan er sem sagt að það er gaman að fara til Boston.

Nú velta ef til vill margir fyrir sér hvernig hafi verið í Boston. Það var æðislegt. Fyrir utan að veðrið var svipað óspennandi og hérna á klakanum þá var allt annað frábært. Allt var alveg svaðalega ódýrt og fór megin hluti ferðarinnar í að versla. Ég keypti mér þrennar Levi's buxur, peysu, tvo boli, tvo jakka, stígvél og fleira. Allt á hlægilegu verði.
Við fórum líka til Cambridge og skoðuðum nokkur söfn þar sem var mjög gaman.
Á föstudaginn fórum við á körfuboltaleik í Fleetcenter þar sem Boston Celtics kepptu við Altanta Hawks. Leikurinn fór 106-94 fyrir okkar mönnum og var sigurinn aldrei í hættu.
Um helgina vorum við hjá Áslaugu systur pabba, eldðuðum humar, fórum á flott listasafn, á bar, skoðuðum vita og örugglega eitthvað fleira.
Við fórum líka á sædýrasafnið í Boston sem er rosalega flott, ég mundi þegar ég kom inn að ég hafði komið þangað áður en það kom ekki að sök.
Annars eru allir í Boston rosalega hjálplegir og kurteisir. Stundum var ég hálf hissa því maður er varla vanur svoleiðis hér á landi.
"Hótelið" sem við gistum á var nokkuð kostulegt en samt gott. Það var svona allt í snjáðari kanntinum en hreint og ágætlega staðsett. Það er illmögulegt að fá ódýrari gistingu í Boston ef maður vill vera í sér herbergi. Ég set hér veffangið fyrir áhugasama.
http://www.farringtoninn.com/
Niðustaðan er sem sagt að það er gaman að fara til Boston.

Stórkostlega söguleg frétt af mbl.is

Erlent AP 19.1.2005 11:40
Kaþólska kirkjan á Spáni leggur blessun sína yfir smokkanotkun
Kaþólska kirkjan á Spáni hefur tekið óvænta stefnubreytingu og segist nú styðja smokkanotkun til að draga úr útbreiðslu alnæmis.
„Smokkar hafa hlutverki að gegna í því að koma í veg fyrir útbreiðslu alnæmis í heiminum,“ sagði Juan Antonio Martinez Camino, talsmaður Spænska biskuparáðsins eftir að hann átti fund með Elenu Salgado heilbrigðisráðherra til að ræða leiðir til að heftra útbreiðslu sjúkdómsins.
Kaþólska kirkjan hefur ítrekað synjað beiðnum um að hún samþykki að smokkanotkun væri í lagi til að berjast gegn útbreiðslu alnæmis. Vatíkanið telur að smokka eigi ekki að nota til að berjast gegn HIV-smiti, vegna þess að þeir séu ónáttúruleg getnaðarvörn.
Martinez Campos sagði að afstaða kirkjunnar hefði fengið stuðning hjá vísindaheiminum. Hann vitnaði í nýlega grein sem birtist í læknablaðinu Lancet þar sem lýst er yfir stuðningi við svokallaða ABC aðferð, sem felur í sér að vera skírlífur, trúr maka sínum og nota smokka.
„Kirkjan hefur miklar áhyggjur og áhuga á þessu vandamáli,“ sagði hann.
Samband lesbía, homma, kynskiptinga og tvíkynhneigðra á Spáni fagnaði ákvörðuninni. „Ég held að það hafi verið óumflýjanlegt að kirkjan myndi breyta afstöðu sinni,“ sagði Beariz Gimeno, forseti sambandsins.
Spænska dagblaðið El Pais bendir á í dag að það sé ekki lengra síðan en í nóvember sem Spænska biskuparáðið lagðist ákaft gegn herferð heilbrigðisráðuneytisins þar sem fólk var hvatt til að nota smokka. Blaðið hafði þá eftir Marinez Campos að það væru „alvarleg rangindi“ að halda því fram að getnaðarvarnir drægju úr útbreiðslu alnæmis.
Í júní sagði forseti fjölskylduráðs kirkjunnar, Alfonso Lopez Trujillo, að smokkanotkun væri „ein tegund rússneskrar rúllettu“ í baráttunni gegn alnæmi. Voru þau orð gagnrýnd mjög af spænsku ríkistjórninni, Alþjóðaheilbrigðisstofnunni og ýmsum samtökum sem vinna að því að hefta útbreiðslu alnæmis.
Vinstri menn á þingi sögðu stefnubreytingu kirkjunnar „sögulegt skref í framfaraátt.“

Ég vil byrja á að biðjast afsökunar á miklu blogg-leysi af minni hálfu. Ég hef hins vegar mjög góða afsökun.
Ég komst nefnilega að því á þriðjudaginn (það var 4. janúar) laust eftir hádegi að ég þyrfti að sækja um fyrir 8. janúar ef ég vildi komast í skólann sem mig langar í. Síðan þá er allt búið að vera á fullu. Ég þrufti að redda meðmælabréfum, einkunnum, lánsloforði frá LÍN, personal statmenti og guð má vita hvað. Svo þrufti ég líka að panta GRE og TOEFL próf sem ég mun taka í næstu viku úti í Boston. Já ég er nefnilega að fara til Boston á mánudaginn með Stefáni og hlakka mikið til. Það verður geðveikt gaman. Við ætlum að fara á söfn, út að borða, í búðir, á körfuboltaleik og margt fleira.
Annars er það næst á dagskrá að passa Ásgeir litla bróður um helgina. Það verður ævintýr í lagi því hann kann ekki að fara að sofa og öskrar bara. Annars er hann voða góður. Verst hvað hann er farinn að skríða hratt núna.