Tuesday, October 30, 2007

Við erum flutt inn, þetta hafðist og við gleymdum bara tannburstum og tannkremi í gömlu íbúðinni.
Nú er bara að ganga frá öllu saman. Við erum ekki netlaus eins og við óttuðumst því einhver hér í blokkinni er með þráðlausa netið sitt opið.
Við erum alveg búin á því og þó er klukkan ekki orðin 4. Það er erfitt að flytja.

Sunday, October 28, 2007

Jæja þá er komið að því, við Mike flytjum á þriðjudaginn. Við hömuðumst við að pakka í gær og erum langt komin. Í dag þurfum við að fara að kaupa okkur sjónvarp og DVD spilara og klára að pakka. Hér má sjá staðsetningu íbúðarinnar, rétt hjá neðanjarðarlestarstöð í frekar indversku hverfi. Við Mike erum spennt fyrir að geta keypt naan-brauð á 50 cent.
Ég mun reyna að setja upp myndir af íbúðinni fljótlega en þar sem við verðum net-, síma- og sjónvarpslaus í íbúðinni til 5. nóvember þá gæti það tafist. Við vorum víst heldur sein að panta menn frá cable fyrirtækinu sem setur allt þetta fínerí upp.

Saturday, October 27, 2007

 
Mike var að gefa mér þessar æðislegu rósir. Hann er bestur í heimi.
Posted by Picasa

Friday, October 26, 2007

 
Posted by Picasa

Hér erum við Hildur á ströndinni í Montpellier og þetta er Miðjarðarhafið sem sjá má í baksýn. Þessi mynd var tekin núna í október!
 
Posted by Picasa

Þetta er pardusköttur eða ocelot sem við Hildur sáum í dýragarðinum í Montpellier, ekki mikið stærri en köttur. Við sáum líka fullt af öpum, ljón, slöngur, birni og fleira rosalega gaman.

Saturday, October 20, 2007

Ég er komin til Hildar í Montpellier í gott yfirlæti. Búin að fá rósavín, pítsu og súkkulaði. Á morgun ætlum við kannski á ströndina og svo er dýragarður hér sem er náttúrulega snilld.
Fyrirlesturinn á fiskibeinaráðstefnunni gekk vel meira um það síðar.

Monday, October 15, 2007

Amma, afi, mamma og Varði bróðir eru farin og á morgun er ég að fara til Frakklands á ráðstefnu í Antibes og eftir hana ætla ég að hitta Hildi í Montpellier í nokkra daga.
Afmælið mitt var æði, gaman að hafa fjölskylduna hjá mér. Takk fyrir allar kveðjurnar, símtölin, kortin og gjafirnar.
Afi samdi handa mér eftirfarandi vísu

Vinna, greina, velja, þrá
vera í léttu stuði.
Ótal óskir okkur frá
í öllu þínu puði.

Það er aðeins farið að kólna hérna en veðrið er samt ennþá gott.
Nú þarf ég að klára að taka mig til.