Thursday, December 30, 2004

Innlent mbl.is 30.12.2004 08:35
Segir samkeppni meðal launafólks eðlilega
Frjálshyggjufélagið hefur samþykkt ályktun þar sem bent er á, að eðlilegt sé að erlent verkafólk fái vinnu hér á landi. Um leið vilji félagið ítreka mikilvægi þeirra sjálfsögðu mannréttinda útlendinga að semja um kjör sín án atbeina verkalýðshreyfinga sem oftar en ekki fari um með látum og þvingunum gegn rétti fólks til að gera frjálsa samninga.
Segir m.a. í ályktuninni, sem gerð er í tilefni af ályktun Vinstrihreyfingarinnar-græns framboðs, að Íslendingar hafi oft sótt atvinnu til annarra landa, t.d. Norðurlandanna. Slíkt sé eðlilegt og heilbrigð sveiflujöfnun á mismunandi atvinnuframboði svæða á mismunandi tímum.
Samkeppni meðal launafólks sé jafn heilbrigð og samkeppni á milli fyrirtækja. Vinstrimenn verði að vera samkvæmir sjálfum sér og hafna verðsamráði á vinnulaunum ef þeir ætla að hafna öðrum tegundum verðsamráðs.

Þetta frjálshyggjufólk er nú ekki alveg í lagi. Það veit greinilega ekkert um langa og árangursríka baráttu verkalýðsfélaga fyrir sjálfsögðum réttindum launafólks s.s. styttri vinnutíma, veikindaleyfum og lágmarkslaunum. Mér þætti athyglisvert að sjá þetta sama fólk vinna 60 klst. á viku uppi á Kárahnjúkum fyrir 100.000 kr á mánuði. Eflaust nýtur þetta fólk sjálft í botn ávaxtanna af baráttu verkalýðshreyfingarinnar og óvíst er það það væri tilbúið að fórna réttindum sínum. Helvítis hræsni og ekkert annað.

Wednesday, December 29, 2004

Baunin er bara búin að vera í jólafríi.
Það hefur verið ágætt. Lestrarafköst eru með því minnsta sem þekkist, ég er ekki einu sinni hálfnuð með eina bók. Mjög slappt.
Ég er búin að setja saman standlampan sem ég fékk frá ömmu nöfnu og hann er voðalega fínn.
Ég fékk allt of mikið af jólagjöfum að venju. Besta og óvæntasta gjöfin var frá ömmu og afa. Það var æðisleg svört rúllukragapeysa og grátt köflótt pils. Amma og afi eru betri að velja föt á mig en ég sjálf. Það er sorglegt. Ég er að hugsa um að ráða þau sem persónulega stílista.
Eftir því var tekið að enginn á mínu jólaheimili (sem er hjá ömmu og afa í Kórsölum) fékk eftirtalda hluti: Kleifarvatn e. Arnald, Vetrarljóð með Gröndalnum, Sálma með systur KK, Nylon eða aðra topp-selling hluti jólavertíðarninnar.

Ég fékk Tenderfoot geisladiskinn í jólagjöf frá Varða bróður. Hann er mjög góður, rólegur en samt spennandi, söngvarinn hljómar á köflum eins og Tom York sem getur ekki verið slæmt.

Ég er búin að gefa 2000 kr til Rauða krossins vegna flóðbylgjunnar. Hvet aðra til að gera slíkt hið sama, það veitir ekki af peningunum og við erum jú flest vel aflögufær.

Ég var annars að uppgötva snilldar söngkonu um daginn. Hún heitir Lhasa. Ég sat í bílnum hjá mömmu og Hörður Torfa (já ég veit) var með þáttinn sinn Sáðmenn söngvanna. Hann var að fjalla um þessa söngkonu og ég var alveg heilluð. Lét mömmu gefa Áslaug frænku disk með henni í jólagjöf. Tónlistinn hennar er svona sorgleg, mögnuð, spennandi og tilraunakennd hljóðfæranotkun gengur ótrúlega vel upp. Ég ætla að fjárfesta í disk úti í hinum stóru Bandaríkjum.

Nú ætla ég að fara að spila Sims 2 sem ég var að fá frá Varða.

Sunday, December 19, 2004

Þá er maður bara búin að baka sínar 4 sortir af jólaóhollustu. Fyrir valinu í ár urðu sparijólakaka (það er jólakaka með extra spes mikið af apríkóskum, súkkati, döðlum, sherrýlegnum rúsínum, kokteilberjum og Brasilíuhnetum), súkkulaðibitakökur (sem heppnuðust óvenju vel þetta árið), eldspýtur, browniea og svo gerði ég líka kæfu. Í allt þetta fóru um tveir heilir dagar. Það var voðalega gaman.

Ég vil gjarnan nota þetta tækifæri til að lýsa eftir einkunnum. Hvaða leti er þetta hjá kennurum?

Ég fór í teiti í gær hjá Atla til heiðurs Eggerti Ungverja. Það var gaman en ég galt fyrir með óhemju þynnku í dag. Svaf frá 19-22. Það var gott.

Ég fór með Stefáni og Björgu móður hans að höggva jólatré í dag. Við lögðum af stað kl. 11.30. Ég valdi stærsta tréð í skóginum handa mömmu. Það var svo stórt að það komst ekki í bílinn þannig að við Stefán þurftum að fara heim og ná í Renóinn hans afa og sækja það svo. Tréð var svo langt að það náði meira að segja hálfan meter út úr honum og fyllti alveg út í allt. Það var fyndið. Enn fyndnara verður þegar reynt verður að setja tréð upp. Kannski verður nánar sagt frá því síðar.

Thursday, December 16, 2004

Það er ótrúlegt hvað manni tekst að safna að sér miklu drasli á ekki nema 22 árum. Ég hugsa að ég eigi eftir að vera ný búin að koma öllu fyrir þegar ég þarf að flytja aftur í haust.
Ég er líka óttalegur ruslsafnair, tími ekki að henda hlutum. Það er vandamál.
Þó að ég sé búin að fara með 5 stóra kassa niður í geymslu er samt allt ennþá fullt af drasli.
Þetta vestræna neysluþjóðfélag er alveg að fara með mig.

Ég er komin með jólasektarkennd á háu stigi. Í hvert skipti sem ég kaupi eitthvað (sem er n.b. allt of oft!) þá hugsa ég hvað væri hægt að fæða marga í Afríku fyrir þennan pening sem ég er að eyða í föt og klippingu og annað rusl. Ef ég seldi allt sem ég á gæti ég öruggleg fætt smáþjóð í Afríku fyrir peninginn í eitt ár. Það er skuggaleg tilhugsun.

Annars er skólinn bara búinn hjá mér og allt í góðu. Mér gekk ágætlega á þessu eina prófi sem ég fór í held ég. Nú er mig bara farið að lengja eftir einkunnum. Ég var svo bjartsýn að halda að ég gæti fengið námslánið fyrir jól því ég er búin svona snemma en það er orðið afar ólíklegt.

Monday, December 13, 2004

Mandarínur eru góðar og jólalegar. Mæli með mandarínum

Ég er að fara í fyrsta og eina prófið á miðvikudag og nenni engan veginn að læra.

Geymslan mín er orðin hrein og hæf til að geyma hluti í. Það er stór áfangi og þrifin tóku langan tíma og margar margar skúringafötur.
Núna ætla ég í Rúmfatalagerinn og kaupa glæra geymslukassa í staðinn fyrir að læra fyrir próf.
Ég lifi spennandi lífi.
Stefni á gott djamm nú um helgina og svo aftur 21. des. Alveg kominn tími á smá sukk.

Hugleiðingar
Af hverju þurfa ráðherrar að vera á flottum og dýrum bílum? Er ekki nóg fyrir þá að vera bara á venjulegum 2 milljón króna fólksbílum? Það mætti nú spara nokkrar millur með því.

Nú er búið að hækka svokölluð skráningargjöld í alla ríkisháskólana og enginn segir neitt. Námsmenn munar greinilega ekki um 45 þús. kr.
Stórfurðulegt mál.
Ungþingmenn greinilega að standa sig afar vel í að verja hagsmuni ungs fólks. Fyndið hvað það var pressað mikið á Dagnýju en enginn minntist á Birgi, Sigurð Kára og Bjarna Ben sem allt eru ungir menn sem hafa gengið í háskóla. Kannski borgðu bara mamma og pabbi alltaf allt fyrir þá svo þeir fatta ekki hvað þetta eru miklir peningar fyrir fólk á lánum og svona.
Dálítið merkilegt.

Friday, December 10, 2004

Jæja þá er kona bara búin með 13 og síðustu ritgerðina/verkefnið sem ég þarf að skila af mér nú fyrir jól. Vei.

Ég er stjörf af þreytu. Eins og fram hefur komið vakti ég til 6.30 í fyrrinótt og vaknaði aftur kl. 9. Ég náði svo að leggja mig aðeins milli 12.30 og 15. Það var gott.

Ég var í mesta Sjálfstæðismannapartýi í heimi áðan með mínum heitt elskaða Stefáni. Um var að ræða útgáfuteiti vegna bókarinnar Kiljans eftir Hannes Hólmstein Gissurarson. Veislan var haldin á heimili hans. Hann á mikið af bókum og nokkur flott málverk. Það eru eins dúllur á hornunum á dyrarömmunum hjá honum og eru í minni íbúð.
Ég var svolítið þreytt í veislunni. Þarna var mikið af frægu og ríku fólki. Björgúlfur eldri frændi minn var flottur í tauinu að venju. Björn Bjarnason og frú voru á svæðinu, Friðrik Sophusson, ungþingmennirnir Sigurður Kári Karlremba og Bjarni Benidiktsson. Fréttakonan Elín Hirst, Styrmir ritstjóri Moggans, Gerður og Þór Whithead sagnfræðingur maðurinn hennar, Jónína Ben, Kjartan baktjalda kall, Anna Agnarsdóttir fyrrverandi forseti heimspekideildar, sonur Davíðs og örugglega fleiri sem ég veit ekki hvað heita og finnst frekar lummó. Stefán segir að ég og Gísli Gunnarsson sagnfræðiprófessor höfum verið einu manneskjurnar þarna sem voru ekki meðlimir í Sjálfstæðisflokknum. Ég var heldur ekkert sérstaklega að finna mig.
Flestir voru í skóm sem kostuðu meira en öll fötin sem ég var í samanlagt. Mér fannst ég óttalega sveitaleg og lummó og fátæk.
Ég er mjög þreytt. Ég vakti til rúmlega 6.30 í morgun að vinna í ritgerð. Ég vaknaði aftur kl. 9. Ég er að klára að fara yfir hana núna. Ritgerðin er löng, tæp 7000 orð. Ég er bara nokkuð ánægð með mig.
Ég er mjög þreytt. Ég vakti til rúmlega 6.30 í morgun að vinna í ritgerð. Ég vaknaði aftur kl. 9. Ég er að klára að fara yfir hana núna. Ritgerðin er löng, tæp 7000 orð. Ég er bara nokkuð ánægð með mig.

Tuesday, December 07, 2004

Ég er orðin gegnsýrð af klámi og sora kynlífsiðnaðarins. Ég er nú að gera þriðju ritgerðina, afsakið fjórðu, um klám og vændi og þvílíkt ógeð. Ef þú hefur áhuga á að heyra reiðilestur um af hverju klám sé slæmt hringdu í síma 697-9896.
Stefán tók þátt í Gallup könnun áðan, hann var meðal annars spurður hvað honum finndist um að banna klámblöð og -myndir á Íslandi. HALLÓ, hvers konar klámefni hefur verið bannað á Íslandi síðan 1940! Skýr dómafordæmi Hæstaréttar segja hvað er bannað en löggan bara gerir ekki neitt!

Ég er reiður femínisti í dag, eins og reyndar flesta aðra daga.

Endilega kíkið á þetta:
http://www.pbs.org/wgbh/pages/frontline/shows/porn/view/
Þáttur PBS um bandaríksa klámiðnaðinn. Þarna er líka meira efni um iðnaðinn sjá hér að neðan.

Hér er skemmtilegur listi sem lögfræðingurinn Paul Cambria tók saman fyrir klámiðnaðinn.

Viðmiðanir við framleiðslu kvikmynda og hlustur
Áður en mynd er valin skal skoða andlitssvip módels/leikkonu. Notið ekki myndir sem sýna óhamingju (e. unhappiness) eða þjáningu (e. pain).
Sýnið ekki eftirfarandi:
Engar myndir eða myndskeið sem sýna þjáningu eða niðurlægingu (e. degradation).
Ekki sýna sáðlát í andlit (sáðlát á líkama eru í lagi ef það er ekki ógeðfellt (e. nasty)).
Ekkert fjöldasáðlát (e. bukakke).
Engar spýtingar eða munnvatn á milli munna.
Bannað er að nota matvæli sem kynlífstæki (e. sex object).
Bannað að sýna þvaglát nema í náttúrulegu umhverfi s.s. á akri eða í vegarkanti.
Engar líkkistur.
Engin bindi fyrir augun (e. blindfolds).
Engar vaxdreypingar (e. wax dripping).
Ekki tveir limir í eða nálægt einum munni í einu.
Ekki sýna skapaopnanir (e. stretching pussy).
Engar hnefaísetningar (e. fisting).
Ekki sprautanir (e. squirting)
Ekki bindinga (e. bondage) leikföng eða útbúnaður nema mjög léttur.
Ekki sýna stúlkur vera að deila gervilimum (hvorki í munn né sköpum).
Leikföng eru í lagi ef myndirnar eru ekki ógeðfelldar.
Ekki sýna hendur tveggja mismunandi manneskja að fingra sömu stúlkuna.
Ekki sýna mök milli tveggja karla. (Þessu atriði listans ætti að sjálfsögðu að sleppa enda hafa samkynheigðir fullkominn rétt til að sjá kynferðislegt efni líkt og gagnkynhneigðir).
Enga kynskiptinga (e. transsexuals). (Hvort rétt sé að banna kynskiptingaklám þarf að skoða sjálfri finnst mér að það ætti að vera leyfilegt svo fremi sem það uppfylli önnur atriðið listans og sé ekki niðurlægjandi eða ofbeldisfullt).
Ekkert tvíkynhneigt kynlíf (e. bi-sex). (Þessu atriði ætti að sleppa líkt og gildir þar sama hugmynd og um myndir af kynlífi samkynhneigðra).
Enginn niðurlægjandi talsmáti s.s. „Sjúgðu þennan böll, tík“(e. „Suck this cock, bitch“) á meðan andlit hennar er slegið með lim (e. while slapping her face with a penis).
Ekkert blæðingaefni (e. menstruation topics).
Ekki sifjaspellsefni (e. incest topics).
Ekkert þvingað kynlíf (e. forced sex), nauðgunarþemu (e. rape themes) eða slíkt.
Engin þemu um svarta karla og hvítar konur. (Þessu atriði ætti að sleppa enda ekkert rangt við það að fólk af ólíkum litarháttum stundi kynlíf). að Bush tók við völdum því þeir voru hræddir um að vera bustaðir.

Sumir af þessum hlutum eru svo ógeðfelldir að ótrúlegt er að það þurfi að taka fram að óæskilegt sé að hafa þá í klámefni.

Monday, December 06, 2004

Gleymdi einu ómissandi jólalagi

Silent Night með Sinéad O'Connor
Þá er ég búin að föndra fyrir jólin. Meistaraverk hefur litið dagsins ljós. Appelsína skreytt með negulnöglum. Undanfarin þrjú jól hefur föndrið falist í þessu. Ég er bara nokkuð ánægð með það, lím og svoleiðis er allt of mikið vesen.

Ég er búin með eitt verkefni enn, það er í yfirlestri hjá hinum mikla Stefáni. Mér telst til að ég sé búin að skila 8 verkefnum það sem af er vetrar, skila svo tveimur í viðbót núna á eftir og þá eru bara tvö eftir. Ég hef aldrei lent í öðru eins. Það sem meira er þá voru þetta allt meðallöng til alveg rosalega löng verkefni. Ég er búin að vera rosalega dugleg. Er líka búin að fá lægst 8,5 það sem af er vetrar og meira að segja eina 9,5. Ég er rosalega góð.

Ég er að hlusta á jólalög. Mæli sérstaklega með eftirfarandi lögum:
Jólakötturinn - Björk
Merry Little Christmas - Coldplay
Christmas Time - Smashing Pumkins
White Christmas - Bing Crosby
Jólasnjór - Ellý og Vilhjálmur

Ég er ekki enn búin að horfa á bestu jólamyndi í heimi, The Grinch. Þarf að fara að grafa hana uppn hún er einhvers staðar í draslinu. Annars sá ég The Mask aftur um helgina (merkilegt hvað Jim Carrey fer vel að vera grænn í framan, sbr. Grinch og Mask). Hún er ennþá mjög fyndin og hefur elst þrusu vel. Tæknibrellurnar voru flestar enn fínar.
Jæja maður var bara að syngja á tónleikum í gær. Gekk svona líka glimrandi vel. Ég söng tvö lög; Það á að gefa börnum brauð og How beautiful are the feet of them úr Messíasi eftir Handel. Ég er bara rígmontin.

Ég er svona smán saman að skreyta fyrir jólahátíðina. Er núna búin að setja upp aðventuljós, jólatrésljós, jólamús, jólaviskustykki og setja skraut á snjóberjagreinar mínar. Ég var löngu búin að setja fyrir jólasængurverið á. Þetta magnast svo þegar nær dregur jólum.

Ég held að einhver sé að stela mýkingarefninu mínu. Það minnkar svo hratt í henni. Mér finnst asnalegt að geta ekki geymt það í sameiginlega þvottahúsinu þar sem eru heilar 3 þvottavélar án þess að fólk sé að stelast í það. Kannski er ég bara vænisjúk.

Annars afrekuðum við Stefán það um helgina að setja saman eitt stykki IKEA kommóðu. Við krambúleruðum hana bara smá. Ég á samt eftir að raða í hana. Það verður orðið ansi fínt hérna þegar ég verð búin að þrífa geymsluna og setja allt ruslið mitt þangað. Sjálfboðaliðar til geymsluþrifa óskast.

Friday, December 03, 2004

Ég fór í Skífuna í dag. Ætlaði að fá að hlusta á Mugison diskinn. Stúlkan tjáði mér kurteislega að það væri ekki hægt því það væru að koma jól og það væri svo mikið að gera. (Það voru 2 hræður inni í búðinni fyrir utan mig og Stefán og 3 starfsmenn!) Þá sagði ég að mér finndist það skrítið því hvernig ætti maður annars að vita hvort diskur sé góður eða ekki ef maður hefur kannski bara heyrt eitt lag? Ég bið ekki um diska í jólagjöf sem ég hef bara heyrt eitt gott lag af ef ég þekki ekki listamanninn. Ég vil vera viss, það er nú ekki eins og geisladiskar séu neitt sérstaklega ódýrir hér á landi. Ég held að afgreiðslustúlkunni hafi fundist ég vera skrítin. Stúlkan benti mér á að fara á tónlist.is. Þá spurði ég: "Hvað ef diskurinn sem mig langar að hlusta á er ekki til þar?" (Það hefur svo komið í ljós að Mugison diskurinn er einmitt ekki til þar). Þá varð fátt um svör. Skífan er léleg búð. Héðan ætla ég að kaupa mína tónlist erlendis og í 12 tónum því þar er góð þjónusta og ekki svona bull.
Svo fór ég líka í Mál og menningu Laugavegi. Ætlaði að kaupa breska jóla Vouge. Það var búið. Hvaða dagur er í dag? Fokking 3. desember og desember Vouge er uppselt? ER ekki í lagi með þetta lið? Ég er algjörlega búin að komast að því að þessi ömurlegu stóru einoknuarfyrirtæki veita enga þjónustu heldur rífa bara af manni þessa fáu aura sem maður á og snýta sér í þá. Djöfull er ég pirruð.

Samt var ég að vinna verslinga í Trival áðan ásamt öðrum MR-ingum. Það var gaman.

Thursday, December 02, 2004

Ég ætlaði út í búð og með filmur í framköllun. Steig á bak rauða fákinum í rigningu og komst að því að afturdekkið er sprungið. Ég nenni ekki að fara með það í viðgerð því það er hellirigning. Vill einhver gefa mér bíl, bensín og tryggingar?