Fréttin var fyrst birt: 06.04.2005 11:30
Síðast uppfærð: 06.04.2005 11:24
Víetnam: Stúlka deyr úr fuglaflensu
Tíu ára stúlka sem lést á spítala í Hanoi, höfuðborg Víetnam, fyrir nokkrum dögum var með fuglaflensu. Rannsókn hefur staðfest sjúkdóminn og er hún 50. manneskjan sem deyr úr veikinni í Asíu frá því að hún kom upp í hittiðfyrra. Stúlkan var frá héraðinu Long Bien þar sem fuglaflensa hefur greinst á tveimur alifuglabúum. Þar hefur þúsund kjúklingum og öndum verið fargað. Fuglaflensuveiran berst ekki auðveldlega úr fuglum í menn og hættan er minni ef fuglinn ef vel soðinn. Vísindamenn óttast hins vegar að veiran stökkbreytist þannig að hún geti borist milli manna og valdið skæðum faraldri.

Þessi frétt birtist á ruv.is, ef þessi víetnamska stúlka hefði dáið úr hungri eða einhverjum auðlæknanlegum sjúkdómi hefði hún ekki komist í fréttirnar. Dálítið umhugsunarefni.

Ég kláraði The Womens Room eftir Marylin French á sunnudaginn. Mæli með henni. Nú vantar mig eitthvað nýtt að lesa.